Често се случува да имаме најдобар другар и во одреден момент да се заљубиме во него. И тогаш си го поставуваме прашањето: „дали и тој го чувствува истото?“, но тоа не можете да го знаете доколку тој не ви каже. Можеби решението е да му признаете дека сте заљубени во него, па ќе добиете одговор дали и тој ги има истите чувства како вас.
Еве неколку совети како да му кажете на другарот дека сте заљубени во него:

1. Никогаш не смеете да брзате со своето признавање. Прво мора да ги преиспитате своите чувства и да сфатите дали навистина сте заљубени во него или тоа е само минлива фаза. Ако не сте навистина заљубени во него тогаш врската сигурно нема да ви трае догло, па така да го изгубите и како пријател и како дечко.

2. Кога ќе му признаете дека сте заљубени во него морате и да му кажете дека и понатаму ќе останете пријатели дури ако тој не го чувствува истото за вас како вие за него или ако се случи вашата врска да не успее.

3. Кога разговарате со него слушајте што говори затоа што можеби ви праќа некои сигнали кои не ги забележувате. Од еден разговор може да дознаете дали тој има чувства према вас или не.

4. Можеби и тој е заљубен во вас, а да не сте го приметиле тоа до сега. Обратете внимание на сигналите кои ви ги праќа. Ако често ве допира, гушка, бакнува, ви дели комплименти и во шега говори дека би сте биле добар пар, можеби и тој е заљубен во вас.

5. Разговарајте со неговите пријатели ако имате можност. Тие можеби знаат нешто што вие не знаете. Можеби на некој од нив кажал нешто за вас.

6. Пробајте да флертувате со него и видете како ќе реагира на тоа. Ако го прифати вашиот флерт, тогаш е време да тргнете во акција, но ако се повлече тогаш најубаво ќе биде да се насмеете и да кажете дека сето тоа е шега.

7. Кога ќе одлучите да кажете дека сте заљубени во него бидете искрени и верувајте им на своите инстинкти. Кажете му го тоа на што поедноставен начин и без многу вртење одоколу.

Прочитајте повеќе