Постојат неколку причини поради кои жените се single, но тоа воопшто не треба да се сфати како нешто лошо, особено ако е со краток рок. Напротив, паузите помеѓу две врски се добредојдени, бидејќи да се биде во врска само поради тоа што знаете дека не сте сами е најлошиот можен мотив. Тешко е да се изградите како личност и да се осамостоите, доколку сте постојано во врска уште од средношколска возраст. Од друга страна пак има и такви случаеви кога девојка до 30-тите практично немала врска. Но, без оглед на годините single-жените ќе ги поделиме на 4 причини поради кои се сами.

Непреболен дечко
Некои не можат да се помират дека на врската и дошол крајот и дека повеќе и нема спас. Ако само една од двете страни дигне раце и каже дека продолжува по својот пат, истото би требало да го направи и другата страна. Некои жени се фиксираат за одреден маж и само чекаат да им се врати, не сакаат ниту да влегуваат во други врски бидејќи се плашат дека ќе ја уништат можноста за помирување со бившиот. Подобро би ви било, времето на чекање пократко да трае, бидејќи ако ви било судено вие ќе бидете споени без обзир на тоа кој во каква врска бил.

Зафатени
На некои женски едноставно им се зафатени момчиња. Можеби и пробале такви врски, но истите воглавно пропаѓаат и жените остануваат повредени, бидејќи тој во повеќето случаеви, нема да ја остави својата фамилија или девојка поради вас. Од друга страна може да биде дека ниту жената не сака да биде баш во некоја врска или да основа семејство, па намерно одбира зафатени, оние кои нема да ја бараат заради дете или брак. Сепак, не е во ред да се впуштате во врска со зафатени мажи, а и секој доволно вреди за да биде прв на листата со приоритети и во давањето љубов на својот партнер. Барајте понатаму...

Лошо мислење за машките
На секоја жена и се има случено барем еден кретен во животот, а свежо повредените често пати мислат дека и не постојат добри дечки, па редовно ја повторуваат онаа познатата: сите мажи се исти. Доколку се уште се дружите со пријателката која што го делио овој став и на секое заедничко испиено кафе постојано си потврдувате дека нема шанси да наидете на за вас добар маж, тогаш сигурно и нема да го пронајдете. Можеби е време да го промените мислењето или на пример да прочитате некоја книга за моќта на позитивното размислување, која би можела да ви помогне на тој пат.

Волк самотник
Доколку сакате саботната вечер да ја поминувате во пижами гледајќи дома филмови, тешко дека ќе сретнете некој интересен, па може да се случи вашиот друштвен живот сосема да пропадне. Понекогаш на сите им е потребен мир и осамување, но не за долго. проблемот е што покасно, од 30-тата па натаму, се помалку ќе се вклопувате во разни друштва и помалку ќе одите на забави. А, кога и ќе најдете некој интересен, после толку години самување и подреденост на самите себе, ќе ви биде потешко да се прилагодите кон туѓите желби и потреби.

Прочитајте повеќе