За тебе сум можеби само шолја чај, ама за некој сум 2 чаши текила

Те сакам! И самиот баш убаво го знаеш тоа. Како сончев ден ти се јасни моите чувства кон тебе. Но, од денес решив да тргнам по нов пат. Колку и да биде тешко, колку и да ме боли јас ќе продолжам напред, и нема да погледнувам наназад каде што тебе ќе те оставам. Ќе забележиш дека повеќе нема да ги добиваш оние насмевки кои светеа на моето лице само за тебе. Во спротива, ќе добиваш насмевки кои ќе велат: Гледај што пропушташ сега. Нема да можеш да си подигруваш со мојата љубов која воопшто не ја ни заслужи. Толку многу ти давав, а за возврат добивав лажна надеш преку твоите пораки. А малку фалеше за да успее помеѓу нас. Изгледа малку, ама е премногу. Фалеше твојата љубов. За некое време, кога ќе сфатиш што испушти од рацете, ако ми речиш дека ме сакаш, јас нема да го изговорам истото. Колку и да биде тешко. Колку и да горам за да ја осетам твојата прегратка. Колку и да ми требаш. Ќе ги зачувам гордоста и достоинството и ќе продолжам да чекорам со исправена глава. Да видиш како можам без тебе. Да видиш како ќе се изборам со чувствата. Ќе станам посилна и од нив. И нема да ти вратам, иако заслужуваш да го видиш и најлошото од мене. Во спротива, ќе ме гледаш каква што никогаш не сум била. За инает, ќе бидам поубава од секогаш. Онаа болка која ми ја нанесуваше со твоето однесување прерасна во нешто друго. Ми ги отвори очите. Ме натера да се искачам неколку нивоа повисоко. И сега гледај ме како ќе го направам тоа. Гледај ме во што прераснувам. Немој да се прашуваш како ќе успеам да те спуштам на ладната земја одземајќи ти ја таа сила повторно да издигнеш во моите очи. Решив да ја воздивнувам мојата гордост и никогаш да не се предавам на мојата слабост. Знаеш, бев толку ослепена од твојата љубов што не гледав ништо друго освен тебе. Додека моето внимание го посветував на тебе, околу мене имало толку многу кои пателе да ги забележам. Дури и сега кога видов колку се борат за моето внимание, нема да го добијат. Нека ме гледаат и тие со тебе како што никогаш не ме виделе. Знај дека мене ќе ми помине и ова. Но, ти што ќе правиш? Пополека ќе паѓаш надолу бидејќи нема да ја имаш мојата љубов за да те издигнува. А и ти посакувам среќа во потрага по некоја која што ќе те сака повеќе од мене. Ама, џабе се трудиш. Јас не се раѓам два пати. Но, и ти еден ден ќе си го пронајдеш твојот пат. А сега? Сега само гледај ме отстрана и пази за некое време да не патиш по моито внимание и ти. Ти само да ме гледаш убавецу. И да пазиш дане станам две чашки текила и за тебе!

Прочитајте повеќе